Тәрбие жұмысының негізгі бағыттыры бойынша жүргізілген іс-шаралар

 Мектепте жылдық жоспарға сәйкес және әрбір оқушының жаңа демократиялық қоғамда өмір сүруге қабілетті азамат және патриоты болуға; балалар мен жастардың құқықтық санасын, оларда балалар мен жастар ортасындағы қатыгездік пен зорлық-зомбылыққа қарсы тұру даярлығын; тұлғаның саяси, құқықтық және сыбайлас жемқорлыққа қарсы мәдениетін; қалыптастыру мақсатында 01.09-30.09.2016 жылы мектеп бойынша «Қазақстандық патриотизм, азаматтық және құқықтық тәрбие» айлығы өткізілді. Мектеп акт залында 10 сынып оқушыларымен тақырыптық бұрыш ұйымдастырылды және оқушылар арасында «Менің Отаным - Қазақстан»  тақырыбында тәрбие сағаттары және «Менің Қазақстаным» атты сурет байқауы өткізілді. Байқауды өткізу жұмыстары бейнелеу өнері пәні мұғалімі А.Битановқа жүктелді. Өткізілген тәрбие сағаттары өз дәрежесінде жүргізілді. Тәрбие сағаттарының ұйымдастырылуы, жабдықталуы, жүйелілігі, өмірмен байланысуы оқушылардың қызығушылығын, белсенділігін арттыратындай дәрежеде өтті.

    Оқушылардың бойына патриоттық сезімді қалыптастыру мақсатында мектеп кітапханасында «Менің Отаным - Қазақстан» тақырыбында көрме ұйымдастырылып, оқырмандар конференциясы өтті.  Айлық барысында сынып жетекшілері  «Зорлық-зомбылықсыз балалық шақ» тақырыбында  сынып сағаттарын өткізіп мектеп психологы 5-7 сынып оқушыларына дәріс оқыды. Оқушыларға  ҚР-ның Қылмыстық Кодексінің кәмелетке толмаған балаларға байланысты баптарына түсіндіру жұмыстары жүргізілді. Сонымен қатар лаңкестік әрекеттер туралы және оның салдары, қоғамға келтіретін зияны жайында  бейне фильмдер көрсетілді. Тәлімгер А.Нұрахметованың және сынып жетекшілерінің бастауымен 8-11 сынып оқушылары арасында «Біз сыбайлас жемқорлыққа қарсымыз!» атты акция өткізілді. Мектепте жалпы адамзаттық қасиеттердің негізінде көпмәдениетті тұлғаны қалыптастыру бағыты бойынша ҚР-сы халықтарының тілдері күніне байланысты «Ана тілім-айбыным» тақырыбында апталық өтті. Апталық барысында бастауыш сыныптар арасында «Тіл-өмірдің шырағы» тақырыбында сынып сағаттарын өткізіп, 5-8 сынып оқушылары «Жүзден жүйрік, мыңнан тұлпар» атты мақал-мәтелдер сайысын ұйымдастырды. 9-11 сынып оқушылары орыс және ағылшын тілдерінде тәрбие сағаттарын, И. Байшонова «Қасиет пен құт дарытқан ана тілім» атты дөңгелек үстел өткізді.